بجــــم

Posted by Bullet | Labels: | Posted On Sunday, October 10, 2010 at Sunday, October 10, 2010



في مرة من المرات كنتو بتحسو بحمااس  وبعدين قابلتو حدا وبردتو ! في مرة من المرات كنتو متفائلين وبعدين شفتو شي وضربكن التشاؤم على حين غرة ! في مرة حسيتو أنو أنتو مجانين ورحتو ع شي مطرح و اكتشفتو انكن انتو العاقلين و الراكزين !
أنا اليوم بصراحة بردت و تشائمت و اكتشفت نسبة العقل اللي الله انعم فيها عليي !
أنا عندي سؤال وياريت اللي بيقرأ هالبوست يتصدق علي بإجابة .. كيف الطلبة بالجامعات بيطلعو بس بتخلص محاضراتهم ؟ يعني بس الواحد أو الوحدة بتخلص وبدها تمشي ع البيت كيف بتطلع من بوابة الجامعة ؟!
عنجد بسأل وبدي إجابة !
أنا راح احكيلكم كيف أخرج من بوابة " الجامعة المقدسة " !
أول شي أنا ربنا غضب عليي وبدرس بالسعودية, طبعاً بالجامعة يلي بدرس فيها ,في كذا مبنى بالجامعة يعني لكل قسم في مبنى لإلو وكل مبنى بيبعد عن التاني شي 50 خريفاً ! وطبعاً وأنت بتمشي من مبنى لتاني بتحسي حالك كأنك بقلايه وبس توصلي فيك تقولي " صحتين وبالعافية " ! 
طبعاً الواحد ع آخر محاضرة بيكون هلكان وأخلاقو بمناخيرو وبدك تطلعي ع البيت متل الصاروخ .. بس بسبب حالات التخلف اللي بنعاني منها هون بتصير شغلة الخروج من هالبوابة من الأحلام !!
ليش؟ .. لأنو لازم تقطعي ال 50 خريفاً للمبنى التاني و بتطوفي عليه لتلاقي المكتب المنشود .. بس بهيك حالات بتلاقيه بسرعة , كيف؟ من ريحة التجمع اللي بسبب الجو الربيعي + صوت الصريخ = بتعرفي الغرفة بسرعة !
بتروحي بتسالي عن هالمعمعة اللي صايرة فبيخبروكِ أنو لازم تأخدي " تصريح " !! 
أنت طبعاً بعدها أخلاقك بمناخيرك فبتقطبي حاجباكِ و بتحاولي تستفسري أكتر فبيخبروكِ أنو هالـ" التصريح" عبارة عن ورقة بيكون مكتوب فيها أسمك و رقمك الأكاديمي + إسم سائق الباص اللي بتطلعي معو ورقم بطاقتو الشخصيةليشوفها السكيورتي يلي ع بوابة الجامعة ليصير فيكِ تضهري .. وبدك كل يوم تدخلي ع جهنم و بتنضغطي من هالزحمة و بتمتمي بكلمات كفرية كل يوم و بتطلعي ونص ملابسك مفقودة وبيضربك الصرع مشان بالآخر تأخدي هال" تصريع " !!
قال ليش ؟ مشان نضبط حالة فلتان بعض البنات اللي بيطلعو من الجامعة وبيصيعو !
لا والأضرب من هيك , بدك كل يوم تأخدي تصريح كل يوووووم وإذا السكيورتي اللي واقف لينظم دخول وخروج الباصات مالاقي أنو عندك تصريح بيرجعك ومابتطلعي من الجامعة !
ان شاء الله مفكرين أنن راح يلموا  اللي بيفلتو كل يوم ! اللي بدو يفلت والله العظيم بيعملها وهو جالس قدام عيونك .. يعني مش محتاجين كل هالخزعبلات والتصاريع !
المشكلة أنو يلي بالجامعة فوق ال 1435934533 بنت وكل وحدة لازم تأخد هالورقة وبينطروك شي ساعة بس تخلص الأوراق ليروحو يصوروا نسخ زيادة !!!
وحياة الله بدي حدا يصنفلي هالبشر , من أي نوع هنّ ؟؟؟
أنا اللي قاهرني أنو ليش يعني مابيخلونا نسوق ونريح راسنا ! ولا هيدا كمان حرام و سيجلب مفاسد كثيرة !! الناس طلعت ع القمر و هن مانعين البنات يسوقوا .. هالقد حريصين ع الدين يعني ! بيحسسوا الوحده أنو هي أخبث من إبليس و شو ما عملت يعني هيك أو هيك هي بجهنم ! يا حبيبي إذا أنت فلتان و الغلط لابسك من راسك لساسك هيّ مشكلتك ضبّط وضعك , عالج عُقدك بالأول .. أما أنك بدك تيجي تخنق دينا بمواعظك و خطبك وبدك " تلم بنات المسلمين " بالأول لّم زبالتك وهن يلي محتاجين " تصاريح " مش نحنا ...
طبعاً هون لتجاهدي في سبيل العلم وبما أنو السواقة ممنوعة فبتضطري تدوريلك ع باص هيك محترم بيوصلك ع الجامعة كل يوم وبنهاية الشهر بتأخدي كيلو من مصاريك وبتدفعيها !
طبعاً هالأجرة نفسها سواء رحتي أسبوع نفسها , سواء تأخر عليك هي نفسها, سواء خلصتي محاضراتك ونطرتيه 3 ساعات ليشرف ويجي كمان هي نفسها ! بيمصوا دمك مص ! وينو وينوو اللي بيحكي عن الدين والأخلاق وينوووو ؟؟ .. أو بس يلي راح يفسد أمة محمد فروج النساء وكيدهن !
طبعاً أنا أول يوم داومت بشنتاية أختي لأنو صغيرة وهيك – أنا لست من حاملات الحقائب يعني لو عندي مصاري والموبايل بحطون بجيبتي و صلى الله وبارك _ المهم وبسبب هالـ" تصريح" شوفو شو صار فيها ..






أنا عنجد كنت بجهنم وطلعت !هلاء أنا الحمدالله طلعت سليمة بس من بعد ماتشوفها أختي مابتوقع أزمط من بين إيديها هههههه

Comments:

There are 6 comments for بجــــم

Post a Comment

Don't hesitate to shoot here (:

Sunday, October 10, 2010

بجــــم

Posted by Bullet at Sunday, October 10, 2010


في مرة من المرات كنتو بتحسو بحمااس  وبعدين قابلتو حدا وبردتو ! في مرة من المرات كنتو متفائلين وبعدين شفتو شي وضربكن التشاؤم على حين غرة ! في مرة حسيتو أنو أنتو مجانين ورحتو ع شي مطرح و اكتشفتو انكن انتو العاقلين و الراكزين !
أنا اليوم بصراحة بردت و تشائمت و اكتشفت نسبة العقل اللي الله انعم فيها عليي !
أنا عندي سؤال وياريت اللي بيقرأ هالبوست يتصدق علي بإجابة .. كيف الطلبة بالجامعات بيطلعو بس بتخلص محاضراتهم ؟ يعني بس الواحد أو الوحدة بتخلص وبدها تمشي ع البيت كيف بتطلع من بوابة الجامعة ؟!
عنجد بسأل وبدي إجابة !
أنا راح احكيلكم كيف أخرج من بوابة " الجامعة المقدسة " !
أول شي أنا ربنا غضب عليي وبدرس بالسعودية, طبعاً بالجامعة يلي بدرس فيها ,في كذا مبنى بالجامعة يعني لكل قسم في مبنى لإلو وكل مبنى بيبعد عن التاني شي 50 خريفاً ! وطبعاً وأنت بتمشي من مبنى لتاني بتحسي حالك كأنك بقلايه وبس توصلي فيك تقولي " صحتين وبالعافية " ! 
طبعاً الواحد ع آخر محاضرة بيكون هلكان وأخلاقو بمناخيرو وبدك تطلعي ع البيت متل الصاروخ .. بس بسبب حالات التخلف اللي بنعاني منها هون بتصير شغلة الخروج من هالبوابة من الأحلام !!
ليش؟ .. لأنو لازم تقطعي ال 50 خريفاً للمبنى التاني و بتطوفي عليه لتلاقي المكتب المنشود .. بس بهيك حالات بتلاقيه بسرعة , كيف؟ من ريحة التجمع اللي بسبب الجو الربيعي + صوت الصريخ = بتعرفي الغرفة بسرعة !
بتروحي بتسالي عن هالمعمعة اللي صايرة فبيخبروكِ أنو لازم تأخدي " تصريح " !! 
أنت طبعاً بعدها أخلاقك بمناخيرك فبتقطبي حاجباكِ و بتحاولي تستفسري أكتر فبيخبروكِ أنو هالـ" التصريح" عبارة عن ورقة بيكون مكتوب فيها أسمك و رقمك الأكاديمي + إسم سائق الباص اللي بتطلعي معو ورقم بطاقتو الشخصيةليشوفها السكيورتي يلي ع بوابة الجامعة ليصير فيكِ تضهري .. وبدك كل يوم تدخلي ع جهنم و بتنضغطي من هالزحمة و بتمتمي بكلمات كفرية كل يوم و بتطلعي ونص ملابسك مفقودة وبيضربك الصرع مشان بالآخر تأخدي هال" تصريع " !!
قال ليش ؟ مشان نضبط حالة فلتان بعض البنات اللي بيطلعو من الجامعة وبيصيعو !
لا والأضرب من هيك , بدك كل يوم تأخدي تصريح كل يوووووم وإذا السكيورتي اللي واقف لينظم دخول وخروج الباصات مالاقي أنو عندك تصريح بيرجعك ومابتطلعي من الجامعة !
ان شاء الله مفكرين أنن راح يلموا  اللي بيفلتو كل يوم ! اللي بدو يفلت والله العظيم بيعملها وهو جالس قدام عيونك .. يعني مش محتاجين كل هالخزعبلات والتصاريع !
المشكلة أنو يلي بالجامعة فوق ال 1435934533 بنت وكل وحدة لازم تأخد هالورقة وبينطروك شي ساعة بس تخلص الأوراق ليروحو يصوروا نسخ زيادة !!!
وحياة الله بدي حدا يصنفلي هالبشر , من أي نوع هنّ ؟؟؟
أنا اللي قاهرني أنو ليش يعني مابيخلونا نسوق ونريح راسنا ! ولا هيدا كمان حرام و سيجلب مفاسد كثيرة !! الناس طلعت ع القمر و هن مانعين البنات يسوقوا .. هالقد حريصين ع الدين يعني ! بيحسسوا الوحده أنو هي أخبث من إبليس و شو ما عملت يعني هيك أو هيك هي بجهنم ! يا حبيبي إذا أنت فلتان و الغلط لابسك من راسك لساسك هيّ مشكلتك ضبّط وضعك , عالج عُقدك بالأول .. أما أنك بدك تيجي تخنق دينا بمواعظك و خطبك وبدك " تلم بنات المسلمين " بالأول لّم زبالتك وهن يلي محتاجين " تصاريح " مش نحنا ...
طبعاً هون لتجاهدي في سبيل العلم وبما أنو السواقة ممنوعة فبتضطري تدوريلك ع باص هيك محترم بيوصلك ع الجامعة كل يوم وبنهاية الشهر بتأخدي كيلو من مصاريك وبتدفعيها !
طبعاً هالأجرة نفسها سواء رحتي أسبوع نفسها , سواء تأخر عليك هي نفسها, سواء خلصتي محاضراتك ونطرتيه 3 ساعات ليشرف ويجي كمان هي نفسها ! بيمصوا دمك مص ! وينو وينوو اللي بيحكي عن الدين والأخلاق وينوووو ؟؟ .. أو بس يلي راح يفسد أمة محمد فروج النساء وكيدهن !
طبعاً أنا أول يوم داومت بشنتاية أختي لأنو صغيرة وهيك – أنا لست من حاملات الحقائب يعني لو عندي مصاري والموبايل بحطون بجيبتي و صلى الله وبارك _ المهم وبسبب هالـ" تصريح" شوفو شو صار فيها ..






أنا عنجد كنت بجهنم وطلعت !هلاء أنا الحمدالله طلعت سليمة بس من بعد ماتشوفها أختي مابتوقع أزمط من بين إيديها هههههه

6 comments on "بجــــم"

Whisper on October 10, 2010 at 10:26 PM said...

اجمالا احنا شعوب ما الها دخل بموضوع الدور و الترتيب و تسهيل الاجراءات على اي حد

اما بالنسبة لموضوع التصاريح, بنات خالتي كانو مقيمين بقطر و نفس الشي جامعاتهم لكن زي ما حكيتي اللي بدو يفلت بفلت وبلاقي طريقه لو شو ما عملو
ياما حكولي قصص عن البنات اشي بشيب الراس


وموضوع انك تركبي مع شوفير او سائق خاص ولا انك تسوقي فهاي مش عارفه استوعبها!!!

كيف بمنعو البنت تسوق و مسموح تركب مع غريب!!

بدك تتحملي لسا السنة بأولها....و سلامتها شنطه اختك والله كانت حلوه :(

و احتياطا بحكيلك الحمد لله على سلامتك بعد ما عرفت اختك شو صار بالشنطه

Bullet on October 11, 2010 at 10:20 PM said...

ياأختي نحنا بنتفنن كيف نعرقل بعضنا واحترفناها
هواية !!
بالنسبة للقصص يلي بتصير هون مش بس بتشيب شعر الرأس ..بتتمنى تكبي تراب ع حالك وبيقولو الله يرحمها ولاتعيشي بهيك أجواء..لانو الدنيا لم تعد تطاق بصراحة

أما بالنسبة للشغلة التانية أنا كمان مش قادرة استوعبها !! ما لهيك طلعوّ فتوى ارضاع الكبير لتنتفي الحُرمة
:D:D
شايفة الإبداع لوين وصل !!
بعدين بقولو لك هيدا اللي كان ناقص , انو البنات تسوق !!! شايفة كيف أجروّ الطابق العلوي الجماعة معاش فيهن عقل ..
ان شاء الله شي يوم أكتب بوست عن هالموضوع لنشوف كيف " حماة الدين" بيفكرو

الله يسلمك ..أي هي أحلى شنطة عندها وراحت للأسف ..هلاء أنا بس خبرتها هي انفجعت وقالتلي ياويلك اذا فرجيتني شو صار فيها
:D
فا أنا للآن سليمة والحمد لله ^_^

Unknown on October 12, 2010 at 5:11 PM said...

لووول جد حلوه هالتدوينه
ع فكره موضوعك شكوى عامة وكتير سمعتها من ناس عاشوا في السعودية

كان الله في عونك، خصوصا الـ 50 خريفا:)

Bullet on October 13, 2010 at 5:23 PM said...

وأنا عم قول من وين هالنور ... مياسي عندنا يااهلا يا مية ويللكم(: الله يحلي أيامك يارب

يعني شو بدنا نعمل بس لأنو عنجد بتشوفي اشياء غريبة وخزعبلات كتير يشتعل الرأس منها شيبا !!

الله يعين .. يالله جربنا جهنم الدنيا قبل الأخرة ههههه بس جد الحرارة مش طبيعية ابداً

نورتيني وظلي طلّي علينا
^_^

sheeshany on October 23, 2010 at 10:17 AM said...

الله يعينك
شكواك و الله كلها ممكن حلها بعقلانية و لكننا في عالم غير عقلاني!

*following
:)

** إنت رصاصة رحمة و اللا رصاصة عذاب :]

Bullet on October 28, 2010 at 10:37 AM said...

أهليين بأبو هيــام
(:
وأنت قلتها , في عالم غير عقلاني

أنا اللي بدك ياه (:
أهلا وسهلا فيك و ظل طلّ علينا
^_^

Post a Comment

Don't hesitate to shoot here (: