!! ياريتك ما خلـفتيني

Posted by Bullet | | Posted On Friday, May 20, 2011 at Friday, May 20, 2011







متأكدة أن قلوبكم قد رقّت عندما رأيتم هذه الملاك الصغيرة نائمة , ربما البعض عادت به الذاكرة لأيام الطفولة و ربما البعض تمنى أن يعود طفلاً هكذا حيث لا هم و لا مسؤوليات والبعض الآخر ربما تحركت فيهن مشاعر الأمومة والحنان أو حتى الرغبة بأن يكون لديهن أطفال !
وأنا متأكدة من أن أغلب الأمهات ينجبن أطفالهن ليمارسن دور الأمومة و لا مشكلة في ذلك حيث أنها غريزة أودعها الله في بنات حواء ولها من معاني النقاء والطهر الكثير ...
كثيراً ما أفكر وأنا أنظر في وجه أمي " لمَ أنجبتني ؟ " وسؤالي هذا أكرره في سِري لأني لو فتحت فمي وطرحت عليها هذا السؤال سأقابل بمجموعة من الجمل التي لن تعجبني ولن تقنعني فما نفع ممارسة الأمومة في الطفل السابع في الأسرة ! وقد تم تفريخُنا الواحد تلو الآخر , فلا هي أعطت كل طفل حقه بل و أضناه التعب من تعدد مرات الحمل ..
ما يحزنني حقاً هو عندما أواجه بكلمة " أنتو جيتو بالغلط " !! يعني جابتنا البجعة لعند باب البيت بالغلط مثلا !! فما ذنب الأطفال إن " غلط" الأبوان , أوليس من حقهم أن يتم تعويضهم – على الأقل – من جراء هذه " الغلطة " !
كثيراً ما أردد تلك الكلمة الموجودة في العنوان , و أشتهي الموت حقاً , فلا المحيط يشجع على البقاء بما أني مجرد " غلطة و زيادة عدد" و لا أيضا من حولي من البني آدميين , و لا حتى ما عشت من سنوات عمري ,
حين تضيق أنفاسك و تبكي على غبائك وتنظر إلى السماء فلا تعلم إن كان من في السماء راضٍ أم ساخط عليك وتنظر إلى نفسك فلا ترى إلا عدما و أن الحياة حولتك إلى مخلوق شرير بعدما عُد اللين وطيب الخلق فيك عبطاً .. تحاول أن تقنع نفسك بأن كل ما ذكرت مجرد خيالات و أوهام ولكن دون جدوى , و تضغط هذه الدنيا بكل ما أوتيت من شراسة على قلبك لتقنعك بأنك لست إلا خط مائل على اليمين استلقى عليه خط آخر مائل على الشمال يعني ( X ) ! فتحاول أن تصفع وجهك لكن لن يأتيك منه إلا الألم , فقط ستقول حسبي الله ونعم الوكيل و ياريتك ما خلفتيني !
أنا الطفلة التي لم تدرك بعد وحشية هذا الكون و أنا الطفلة التي تضحك ويبكيها من حولها و إن بكت , بكت لوحدها !
أنا الطفلة التي ما اكتشفت بعد قوانين الدهاء ولم تؤمن بفلسفة الكلمات المتقاطعة . وأنا الطفلة التي من يراها يحسبها ملاكاً وترى نفسها شيطانا .. أنا الطفلة التي ياريت امها ما جابتها !!
ليت والداي كانت لديهم قليل من فطنة وبعد نظر ذاك الرجل التي تقول عنه النكتة أنه قام بذبح أبناءة وهم صغاراً , فلما سُأل وباستنكار شديد : لِم؟ فقال : عصافيـر بالجنة ولا حمير في الدنيا !!!

كل عام وأنتِ يا أنا بخيـر


Comments:

There are 26 comments for !! ياريتك ما خلـفتيني

Post a Comment

Don't hesitate to shoot here (:

Friday, May 20, 2011

!! ياريتك ما خلـفتيني

Posted by Bullet at Friday, May 20, 2011






متأكدة أن قلوبكم قد رقّت عندما رأيتم هذه الملاك الصغيرة نائمة , ربما البعض عادت به الذاكرة لأيام الطفولة و ربما البعض تمنى أن يعود طفلاً هكذا حيث لا هم و لا مسؤوليات والبعض الآخر ربما تحركت فيهن مشاعر الأمومة والحنان أو حتى الرغبة بأن يكون لديهن أطفال !
وأنا متأكدة من أن أغلب الأمهات ينجبن أطفالهن ليمارسن دور الأمومة و لا مشكلة في ذلك حيث أنها غريزة أودعها الله في بنات حواء ولها من معاني النقاء والطهر الكثير ...
كثيراً ما أفكر وأنا أنظر في وجه أمي " لمَ أنجبتني ؟ " وسؤالي هذا أكرره في سِري لأني لو فتحت فمي وطرحت عليها هذا السؤال سأقابل بمجموعة من الجمل التي لن تعجبني ولن تقنعني فما نفع ممارسة الأمومة في الطفل السابع في الأسرة ! وقد تم تفريخُنا الواحد تلو الآخر , فلا هي أعطت كل طفل حقه بل و أضناه التعب من تعدد مرات الحمل ..
ما يحزنني حقاً هو عندما أواجه بكلمة " أنتو جيتو بالغلط " !! يعني جابتنا البجعة لعند باب البيت بالغلط مثلا !! فما ذنب الأطفال إن " غلط" الأبوان , أوليس من حقهم أن يتم تعويضهم – على الأقل – من جراء هذه " الغلطة " !
كثيراً ما أردد تلك الكلمة الموجودة في العنوان , و أشتهي الموت حقاً , فلا المحيط يشجع على البقاء بما أني مجرد " غلطة و زيادة عدد" و لا أيضا من حولي من البني آدميين , و لا حتى ما عشت من سنوات عمري ,
حين تضيق أنفاسك و تبكي على غبائك وتنظر إلى السماء فلا تعلم إن كان من في السماء راضٍ أم ساخط عليك وتنظر إلى نفسك فلا ترى إلا عدما و أن الحياة حولتك إلى مخلوق شرير بعدما عُد اللين وطيب الخلق فيك عبطاً .. تحاول أن تقنع نفسك بأن كل ما ذكرت مجرد خيالات و أوهام ولكن دون جدوى , و تضغط هذه الدنيا بكل ما أوتيت من شراسة على قلبك لتقنعك بأنك لست إلا خط مائل على اليمين استلقى عليه خط آخر مائل على الشمال يعني ( X ) ! فتحاول أن تصفع وجهك لكن لن يأتيك منه إلا الألم , فقط ستقول حسبي الله ونعم الوكيل و ياريتك ما خلفتيني !
أنا الطفلة التي لم تدرك بعد وحشية هذا الكون و أنا الطفلة التي تضحك ويبكيها من حولها و إن بكت , بكت لوحدها !
أنا الطفلة التي ما اكتشفت بعد قوانين الدهاء ولم تؤمن بفلسفة الكلمات المتقاطعة . وأنا الطفلة التي من يراها يحسبها ملاكاً وترى نفسها شيطانا .. أنا الطفلة التي ياريت امها ما جابتها !!
ليت والداي كانت لديهم قليل من فطنة وبعد نظر ذاك الرجل التي تقول عنه النكتة أنه قام بذبح أبناءة وهم صغاراً , فلما سُأل وباستنكار شديد : لِم؟ فقال : عصافيـر بالجنة ولا حمير في الدنيا !!!

كل عام وأنتِ يا أنا بخيـر


26 comments on "!! ياريتك ما خلـفتيني"

Whisper on May 20, 2011 at 3:49 AM said...

فرح يا فرووووحه
اول شي ...كل عام وانت بالف خير يا بطه
العمر كله تقضيه بفرح و سعاده وبدون اي منغصات يا رب

ما حعلق على اللي كتبتيه و ما راح احاول ابينلك الايجابيات ولا احاول اغير رأيك و وجهة نظرك ....اللي بس بدي احكي

هلأ لو لا سمح الله انت ما كنتي موجوده
كيف بدو يكون النا اخت قمر اسمها فرح|؟؟؟
ومين بدو يحتفل معنا بمناسباتنا و يعمللنا احلى المفاجأت؟؟؟
ومين بدها تكون البنت التانيه لصديقنا يوسف؟؟؟؟
ومين بدو يحطلي صور جودي ايوت و يفرح قلبي؟؟؟
ومين بدو يتحفنا باحلى الكلمات و الخواطر؟؟؟

اه
قوليلي.... مين؟؟؟

نيسآان on May 20, 2011 at 10:35 AM said...

بما اني ام بحب اقولك ان اغلى الاطفال على قلب اهلهم هم اللي بييجوا غلطه :) ومش بوقتهم ....كون والدتك الله يحفظها متعبه ومرهقه و ربما قد قصرت في جرعات الحنان لكثرة تعبها وانشغالها فهذا لا يعني انك اغلى على قلبها من روحها.
وان شاء بتجربي الامومه و تكتشفي بنفسك
مش ح اقولك كلام انشائي من نوعية تفاءلي وافرحي و انظري الى الاشياء الجميله من حولك
اذا بقيتِ على هذا الحال مده طويله ما لك الا: (بروزاك)

كل عام وانت بفرح .......يا رب يجعللك من اسمك النصيب الاكبر من حياتك

روحي طيري يا عصفورتي

Baseball said...

Kol saneh w enti salmeh ya Fara7 :-)

W kol el kalam elli katebteeh fe had el post enti btezlomi halek feyo... la t3eedeeh :-D

Allah subhanahu wa ta3ala ma bejeeb 7ada 3ala haldenia belghalat wala zyadet 3adad... tawli balek w 2osbori... w t2akkadi eno 3omro el leen welteebeh ma beseero ghalat...

Osbori...

W Allah subhanahu wa ta3ala akeed byom men el 2ayam r7 yejma3ek belnas elli wujoodek ma3hom hu eshi asasi w ma be3eeshu men doonek... w abadan mesh zyadet 3adad...

Kol saneh w enti salmeh...

W enshaAllah 3eed miladek el jay bekun a7la w a7la w betkuni 3m t2uli "el7amdulellah ya Rab enak jebtni 3ala haldenia" :-)

زينة زيدان on May 20, 2011 at 2:41 PM said...

فرح

لم كل هذا الاحباط
لو تطلعنا بتمعن من عبرة وجودنا في الدنيا
لما جرُأت هذه المشاعر للدخول إلى قلبك ونفسك
نحن اتينا هذه الدنيا من أجل عبادة الخالق
أتينا بإرادته ونعيش بإرادته ونمضي بإرادته سبحانه وتعالى
لوالدين علينا حقا وحبنا واحتراما
وصدقة جارية بعد رحيلهما
وللدنيا علينا حقاً بأن نرضى بقضاء رب العالمين
كل الحب لك
وأتمنى ان أسمع منك كلاما يناقض ما كتيتي اليوم
وينشر في نفسك الامل والرضا
كما عهدتك دوما

خيتي فرح
لا تيأسي نحن هنا
لك مني كل الحب

Baseball said...

Amma bel nesbeh la enno I stay around fa sam7eeni, ana akhadt 3ala 7ali 3ahd men elyom ma a3alleq 3ala ayya mudawaneh la bent 3arabeyeh :-)

Bs dallek dayman tzakkari yalli 7aketlek yah... w lamma yiji had lyom be2ezen Allah 2ooli "Allah ysahel 3alek ya Baseball wen ma kont" :-)

yosef on May 20, 2011 at 9:19 PM said...

بنتي فرح
الله يرضى عليك ويسعدك
وكل سنة وانت سالمة

يا ريت كان بايدك هالقرار او حتى بايد ابوك او امك
ابدا .....هذا قرار رب العالمين
ولا تصدقي اي حدا بيقولك هاي غلطة
غلطة مين والناس نايمين...؟؟
هههههه

في رسالة الك في هذه الحياة
وفي حكمة لله رب العالمين من وجودك على هذه الارض وقد يكون من المبكر جدا لك ان تدركيها ولكن الايام كفيلة بان تكشف لك تلك الحكمة الالهيّة

عيوني
قومي بواجاباتك تجاه الجميع واتركي الباقي لرب العالمين وان شاء الله التوفيق لك ولقلبك المليء بالحب

يوما ما ستذكرين ما كتبتِ هنا وتقولي
ما اجمل الحياة وما اجمل وجودي بها

كل سنة وانتِ سالمة بنتي الغاليّة

yosef on May 20, 2011 at 9:51 PM said...

نسيت اقولك لما تضيق بك الدنيّا تذكري دائما ان الله معك واني افتح لك ذراعيّ وبيّتي لكِ دوماً بنتاً غاليّة وعزيزة....وهذا مش كلام وجربي

Unknown on May 21, 2011 at 1:14 AM said...

كل سنة وانتي سالمه
تناقشيش حالك كثير بموضوع الغلطه، انا اول وحده عند اهلي بس اكيد ابوي بيحس حالو غلط غلطة عمرو لما جابني:))

ضليت اقرأ اقرأ أحكي مين فرح؟
طلعت فرح = رصاصه:))

الكيل بمكيالين on May 21, 2011 at 1:50 AM said...

كنت عارفة إنه فيه تشابه بيني وبينك أكثر من توافق الأفكار!! (المولود السابع)!!! إيش هاي الصدفة؟
عايشة في بيت مليان وإمك وأبوكي مو شايفين حد وما فيه اهتمام وحاسة حالك كمالة عدد (join the club)!!
إذا بهون عليكي أحكيلك إنه أغلب الناس هيك على فكرة!المشاعر الجياشة اللي بنسمع عنها ولا بنشوفها بالمسلسلات ولا بنقرأها بالروايا كلها حكي فاضي.. مش عارفة ليش ؟يمكن هاي هي الهوية العربية!

المشاعر اللي بتحكي عنها اختبرتها وحسيتها يمكن زيها بالزبط! وأنا ما كنت غلطة، كنت مقصودة مع سبق الإصرار والترصد بس كان مفروض أكون ولد وشوفي حجم المأساة لما جيت بنت.. وشوفي حجم المأساة لما يكون التمييز بينك وبين إخوتك واضح وبشدة، الولد لإنه ولد والبنت البكر وهديك لإنها بتشبه إمها بتصرفاتها فبتصير أعز وحدة على قلبها ووو...
أنا زعلت كتير من هالموضوع بزمناتي وحكيتها كتير بسري ليش خلفتوني؟ ومثل ما حكيتي بالأول لو صارحتيهم بالموضوع ما بعطوكي إجابة مفيدة لإنهم أصلا مو فاهمين عليكي إنت بواد وهم بواد..

بس بتعرفي كيف تخلصت من هالشعور؟ أولا ما عدت ألومهم مش لإني قلبي كبير ورضيت عنهم بس لإنهم هيك تربوا وهاد أقصى ما بيعرفوه وما بقدر أغيرهم!! ببساطة تجاوزتهم وبطلت أفكر كتير بالموضوع..
تاني شي بطلت أطلب الرضا بوجودي منهم، أنا رضيت عن نفسي بنفسي ومتعت حالي على قدر ما قدرت خاصة بعد ما اشتغلت اعملت لحالي حياة جديدة وجو جديد من أصدقاء وشعور مختلف إني بنجز شي في الحياة، زائد الاستقلالية المادية هاي مهمة وبشدة على فكرة، بتقدري تشتري كل اللي ببالك وتسعدي حالك هاد كمان بعطيك شعور وجو مختلف..
لهيك أنا بنصحك وبسرعة إنك تدوري على شغل وتطلعي من جو البيت بتتغير نفسيتك ومع الأيام لحالك بتسي الموضوع وبتتجاوزي هالأفكار (اسأل مجرب)

دمت بود يا أحلى وأرق رصاصة
وأراح الله بالك :)

الكيل بمكيالين on May 21, 2011 at 1:52 AM said...

نسيت أحكي!! كل عام وأنت بألف خير :)))
وعقبال المليون سنة كلهم فرح وتألق :)))

زينة زيدان on May 21, 2011 at 10:44 AM said...

مياسي شفتي هاي بوليت طلعت فرح

شا يفة بالله

sheeshany on May 21, 2011 at 3:01 PM said...

كل عام و إنت بخير - غصب آه- :) و بدون تذمر

جابونا بالغلط ، جابونا بالصح أي هذا اللي إجاهم و بدهم يتحملوا
:)))

Ala'a said...

Fara7 Darling, lazem a7kelk eno ana knt kter afakker metlek.. awal she kol sane wente salme.. el 3omor kolo inshalla.. e7na kaman kona 7 bs ana tartebe 2nd. anyways, fe crowded families all kids will always think the same.. leih jbtone.. kona kolna n7ke nfs el kelme.. hal2 i got married w 3nde benet.. w i can assure u that ur parents love u even more than themselves. hal2 badal afakker no m32ol fe 7d fel denia be7ebne ad ma ana ba7eb bnte.. iza fe 7d fel denia be7ebny hal ad w 3mel ma3e zay ma ana 3m b3ml m3 bnte w aktr.. ana 3nde bent wa7de w shayfe addih kids be'3albo.. badale afakker m32ol mama w baba t'3alabo kol hady el '3alabe m3 7 kids!!! they are heros iza 2edro yewaslona la had el 3omor w still homme mwjodein 3ashanna even b3d ma kberna.. the point is that kids sometimes bekono selfish w ma befakro be ahelhom as they should.. kter btmanna arj3 s'3ere zayek 3ashn a2dar akon better child balke a2dar awaffe ahle 7a2hom.. allah ye5allelek eyahom w y5aleke elhom.. w ra7 yeje youm t7ese belle 3m b7kelk eyah :)
may all your wishes come true.. w happy birthday again

Rain on May 22, 2011 at 10:20 PM said...

متأخرة بس أحسن من ولا اشي
كل عام و انتِ بألف خير يا أحلى بوليت
بس والله انك زعلتيني عهيك بوست
وين بوليت المتفائلة المرحة اللي بوستاتها ذكية و دايما فيها فن؟
أنا مبسوطة انه امك جابتك لأنك اضافة كتير أمورة عهالعالم،موهوبة و مثقفة و ذكية و لطيفة ماشالله
اذا هي الزياد بالعدد يا ريتنا كلنا زيادة عدد

أنا اسفة جدا ما كنت أعرف انه عيد ميلادك
كل عام و انتِ بألف خير يا عسل

Rain on May 22, 2011 at 10:36 PM said...

http://dafdoo3ah-diary.blogspot.com/2011/05/happy-birthday-farah.html

كعكي on May 23, 2011 at 1:27 AM said...

فرح البوليت
كل سنة و انتي سالمة يا رب
وبصراحة يعني انا غيران منك شوي كثير كثير
طلعو كلهم هون بحبوكي و بعتبروكي اختهم

لذا بمناسبة عيد ميلادك بحب اغتنم هاي الفرصة السعيدة واطلب الإنضمام ال قائمة اخوانك البلوجرييين
و بوعدك اكون منيح زيهم

بالمناسبة انا عيد ميلادي الجاي بصادف
21/12/2012
امي مسافرة و حعمل حفلة واول المعزومين فرح

سراج الماضي on May 23, 2011 at 8:37 AM said...

كل عام وأنت بخير وعقبال مية سنة
مع كل هؤلاء الناس الذين يحبوكي لا يمكن ان تكوني قد أتيت غلطة
أتمنى لك حياة جميلة ومليئة بالخير والبركة

Bullet on May 25, 2011 at 12:05 PM said...

Whisper :
*********

وأنت بصحةو سلامة يا قمر (:
طيب وإذا بدي هلأ ابوسك وأضمك كيف؟؟
اه
قوليلي.. كيف ؟؟؟

الله يسعدك وين ماكنتي ويسعد قلبك يارب
^_^

نيســـان:
*********

يمكن ! بس مابتوقع هالكلام بينطبق ع حالتي
واذا - لاسمح الله - صرت أم , وصادف أنو جبت "بالغلط" أكيد مش راح أعاملها كأنها زيادة عدد بل بالعكس راح أحترم حالي واعطيها حقها! و ........ مابدي لأنو بخاف أمارس عُقدي عليهم وأكون ظالمة وأخنق انفاسهم -_-
::
بالنسبة لـ بروزاك .. شكلو مافي إلا هو !
::
وأنت بصحة وسلامة يـارب وآمين يا حنــونة (:
::
عم بشرب ريدبول بس مش جايي اقلّع -_-

Bullet on May 25, 2011 at 12:08 PM said...

Basball:
*********
(:وأنت بصحة وسلامه انشالله
::
-_- قولتك ؟؟؟
::
أنا صـــــــــــابرة حتى ملّ الصبر من صبري ولكن مافي غير هالمكان لأصرخ فيه شوي , اتحملوني
T_T

لكن لما بتتعب وماحدا بيقدر تعبك
لما بيقارنوا بينك وبين غيرك
لما رايك = صفر
لما مابتقدر تحقق اللي بدك ياه لأنو في حدا متحكم فيك
لما تعمل شي أو اساساً شو ماعملت ما لو قيمة عند غيرك
لما من النظرات والكلمات بتظل فكرة انك بنت وبدك الستر!
لما بتشوف في تفرقة مش طبيعية و ..........الخ والقائمة تطول
بتحس حالك زيادة عدد أو انو أنا اساساً ليش عايش!
::
الله يسمع منك والله يسعدك ان شاءالله (:
*****
هلأ بالنسبة للجزء الثاني :
لماذا ؟؟
يعني فيك تطرح رأيك بكل حرية وتناقش , مش بنحط مسدس ع راس حدا نحنا هههههه
بالعكس هيك يمكن بنفيد وبنستفيد من غيرنا سواء شاب أو بنت (: و على العموم ياسيدي أهلا وسهلا فيك بأي وقت , أعتبر المدونة مدونتك وأكيد راح أنبسط إذا شفت تعليقاتك (:
ومن دون ما يجي هاليوم رح قلك من هلأ : الله يسهل عليك يا بيسبول وين ما كنت ويرضى عليك قد مابيرمشو عينيك (:

Bullet on May 25, 2011 at 12:10 PM said...

خيتـــي زينة :
*************

اه محبطة ولكن لي ربٌ اناجيه وأخوة وأخوات أمثالك يمدوني بالأمل كلما ضغطت هذه الدنيا على صدري ...
راح ابقى متل ماحكيتي بس من فترة لفترة روح الواحد بتفرفط فااا أحتاج أصرخ شوي
-_-"

الله يخليكم لي يـــآرب (: ويخليكِ لي يا أحلى أخت بالدنيا كلها
وبالنسبة لأنو طلعت بوليت هي فرح , شايفة ههههههههههه بس يعني حاسة حالي بدي كون رصاص وصواريخ وقنابل وكاتيوشا وماتيوشا ههههههه
(: الله يسعدك يــارب زينة



مياسي:
******
وأنت بخير وصحة وسلامة (: اشتقتلك (:
::
(بيحس حالو) .. اللي عندي مابيحسو هم متأكدين من هالشي -_-
اذا بيحس هيك وبيحترمني وبيعاملني كـ بني آدم وبدون تفرقه فااا خليه يحس اللي بدو ياه أما إذا العكس فتلك طامة أخرى ! -_- وهيي اللي طامه ع أنفاسي !!!
::
شايفة ؟ ههههههه بس بحب رصاصة أكثر أنا
((:

Bullet on May 25, 2011 at 12:14 PM said...

أبــ يوسف ـــــي :
******************

وأنت بصحة وسلامة وطوله العمر يـارب ..

-_-" ما أصدقهم يعني ؟
بس مش قادرة أقتنع لأن كل الأدلة والشواهد تثبت أنو أنا " غلطة" مافي شي بيحسسك بالعكس يعني متل ماحكيت لأخي بيسبول ):
::
(: سلِمت عينــاك
وان شاءالله أقدر أتجاوز هالحالة اللي أنا فيها لأنو بصراحة مش قادرة وأعصابي مضغوطة -_- وللصبر حدود !
وبالنسبة لأنو راح اتذكر كلامي وأقول العكس بعدين فـا أ ت م ن ى !
::
ونعم بالله وهو من التجأ اليه دائماً ..
وبصراحة
لما حكيتلي انو بتعتبرني متل بنتك أنا يومها بجد بجد انبسطت حسيت حالي متل الضايع من سنين وأخيرا وصل ...
خذني يا بيي وبأحضانك دفيني
وأنا لبدونك ضاعت سنيني
وأنا لتعبت ودهري عاميني
يوم تضيق فيي الدنى
أكيد عندك راح تلاقيني...

شكـــراً لقلبك الطيب الطاهر أبي ..
وبعرف أنو كلمة شكـرا مابتكفي .. بس بدعي ربي أنو يدخل ع قلبك الرضا والسعادة متل ما ادخلتها ع قلبي بتعليقك
(:

Bullet on May 25, 2011 at 12:18 PM said...

الكيل بمكيالين:
****************

طيب بجد بجد بجد نفسي ابوسك ع هالحكي ! يسلم تمك حسيتك بجد فهمتيني وفهمتيني كويس كمان!

عايشة في بيت مليان وإمك وأبوكي مو شايفين حد وما فيه اهتمام وحاسة حالك كمالة عدد

التمييز بينك وبين إخوتك واضح وبشدة، الولد لإنه ولد والبنت البكر وهديك لإنها بتشبه إمها بتصرفاتها فبتصير أعز وحدة على قلبها

ما بعطوكي إجابة مفيدة لإنهم أصلا مو فاهمين عليكي إنت بواد وهم بواد

لإنهم هيك تربوا وهاد أقصى ما بيعرفوه وما بقدر أغيرهم!!
***

بجد هي الأشياء اللي بحس فيهاو بحكيها دائما!
يعني بعاني من موضوع التفرقه المقرف وبينظرولي بدونية فقط لأني بنت والمؤسف أو يمكن الأدهى أنو لما أمك هيي اللي بتحسسك بهالنقطة! يعني بيي وعرفناها , بس امي ! ما أنا من بنات جنسك يا حجّة !!! ولكن هم تربوا على هالنظرة الدونية وحتى بينظروا لحالهم هيك ومتل ما حكيتي مابقدر أغيرهم!
وحتى لو حكيت وسألت بيعتبروني وكأني ملحدة ! ما أنا كمان بعرف الله مش بس أنتو وبعرف شي أسمو أمر الله , بس الله هذا اللي بتحكو عنو بمطارح وبتخفوه كلياً بمطارح تانية ما بيرضى باللي عم بيصير من تفرقة وتهميش و معتبرين أنو مافي روح خلفتوها كل شي عليها ممنوع!

بالنسبة لموضوع التجاوز أنا فيكِ تقولي أكتر وحده بالبيت أنو أهلي مابيهموني رغم هذا التحطيم , لدرجة أنو تخيلي أنا الوحيدة اللي كمّلت للجامعة وأكتر وحده حمارة دراسة هههههه وطول سنوات دراستي كنت متفوقة فيها لآخر سنة جامعة وأخدت التانية ع الدفعة و ماحدا أهتم فيني أو حتى عبرني ! وأنا ما زعلت لأنو متل ماحكيتي كمان ما عدت ألومهم مش كمان لأنو قلبي كبير ورضيت عنهم بس لأنو هذا مستقبلي بالرغم أنهم مابيعرفو هالكلمة إلا وهي مقرونة بـ( ذكر) راح يستر عليي !!

أنا عم دوّر ع شغل والله كريم وجد حاسة حالي في حالة اختنااااق ):
كيّالة بجد فشيتيلي خلقي وحسيت كأني عم بحكي لتوأمي (: ..
وأنتِ بألف خير يارب و رووووحي الله يسعدك وينتقم من يلي بيضايقوكي في العمل يااااااارب !!!!!
(F) (F) (F) <3

Bullet on May 25, 2011 at 12:22 PM said...

هيثـــم"
******

وأنت بخير يارب (:
( هذا اللي إجاهم وبدهم يتحملوا) .. هلأ هيدا اللي طلع معك!!
لا تعليـق * وش وعليه 5 دمعات *
-_-"


Ala'a:
*******
وأنتِ بخير وصحة وسلامة يارب (: تسلمي
والله يخليلك بنوووتك ^_^
للأسف أهلي مابيحبوني , يمكن راح تقولي مافي أم وأب مابيحبو اولادهم , وهم كمان بيحكوا نفس الشي بس الحب مش بس بالكلام , يعني أسمع كلامك أصدقك أشوف شوف بتعملوا فيي (بستشهق) ! < من الشهيق بس النوع المصدوم كتير هههههه
لما بشوفهم بيفرقوا بينا ومابيهمهم أنا نجحت أو تنيلت وبيهمهم بس يعرفوا بس مشان اذا حدا سألهم بيصيروا يعرفوا يجاوبوه.. بيهتموا بالناس مش فيي.. فهذا ليس حب هذا بيسموه شي تاني !

وبصراحة بحس مش بطولة أنو اخلّف 10 وكلهم ورا بعض ومابعطي كل واحد حقه, هم جابونا لأنو هيك .. ولما كبرنا بدهم يتحكموا فينا مش قصة خوف لا .. بس لأنو كمان القصة هيك ولأنك بنت !.. ابداً مش راح كون أنانية لما شوفهم جد يساوا بينا وبيعاملونا بالمثل , بالعكس يمكن راح أتنازل عن أشياء كثير بس مشانهم , لكن
.............
::
تسلمي يارب والله يخليلك بنووتك .. سعيدة بوجودك وأهلا وسهلا فيكِ دائمـــــــــــــاً هنا
^_^

Bullet on May 25, 2011 at 12:27 PM said...

Rain:
******

(: وأنت بخير يــــــــارب ياقمر

ماعليش أنا هاليومين متشائلة -_-" والضغط بيولد الانفجار
ومافي مكان أنفجر فيه إلا هون

ايه هيك اللي بيكونوا زيادة عدد بيحاولوا يعيشوا وفي صراع دائم لإثبات الذات هههههه بس يبدو أني عم أذن بمالطا! .. المهم أنتو الله يخليكم لي يــــآرب .. أجمل ما وهبني ربي
(:

وشكـــراً ع الورد , الله يشرح صدرك وماتعتذري وجودك بيكفي
كلك زوء ويسلموو دياتك (F)



كعكي:
*****

وأنت بخير وصحة وسلامة يـــــــــــآرب
-_-" غيران ؟؟
صار بدي أقرأ تعويذات وآيات عن الحسد لكان ههههههههه

لك بيشـرفني والله ^_^ و ع راسي
( هلأ راح تقلي أول مرة بسمع بنت بتحكي ع راسي , صح؟؟ ) هههههههه
بيسعدني أنو يكون عندي أخوة وأخوات زيكم , هيّ نعمة من الله (:

2012 ؟
قصدك 2011 صح؟ أو قصدك أنو مش راح تحتفل السنة بعيد ميلادك أو شو , مافهمت
-_-"
بعدين أحلى شي لما تعمل حفلة أو اي شي وأهلك مش موجودين هههههههه بتحس بحرية صدقاً.. وتسلم ع العزيمة بس كتر من الكعكات وان شاءالله أم عمر كمان بتضبطنا بكعكاتها:D

(: راح احضر

Bullet on May 25, 2011 at 12:28 PM said...

سراج الماضي:
************

(: وأنت بخير وسلامة يارب
(: وهم أجمل ما أعطاني ربي , نعمة بحق هم
شكــراً جزيلا لك
وأسعدني وجودك هنا وأهلا وسهلا بك دائمــاً
^_^

sheeshany on May 25, 2011 at 1:16 PM said...

5 دمعات بسيطة

بتحملهم

:ضميري مااااااااااااات من زماااااااااان:
:]

خخخخخ

Post a Comment

Don't hesitate to shoot here (: