Wednesday, October 13, 2010

,:, لأزددن فيـك عشقــا ,:,

Posted by Bullet at Wednesday, October 13, 2010 0 comments

شفتها خضرا وبكامل الزينه

ومش بالعادة زعلانة وحزيني

شفتها واقفة وقفه رزيني

بتتبختر بضحكتها وبتناديني

قلتلها شو اللي مفرحك ياتؤبريني

بالعادة صافنه ودموعك بتملي مدينة

قالتلي اليوم شفت من يشفيني

وبالحب والحنية يسقيني

لأن أنا وياه من فرد طيني

هوي شامخ وهمساتو رصيني

وأصلو طيب وفرعو بالسما معليني

وقلبو وضحكتو سر و  مجننيني

قلبو متل سفينة نوح, آمن من ركب هالسفينة

وجمال يوسف بثغرو وعليه السكينة

وبيلوموني ليش قطعت اصبعي السكيني!

قلتلها يابنت لوين رحتي خبريني

قالتلي هوي مذهبي وديني

هوي صومي وصلاتي وذخري لبيكفيني

هوي يلي بالكرامة مدفيني

وهوي لخلاني أوقف وارفع جبيني

هوي يوم نادى المنادي

قال أرضي بحميها ورشاشي بيميني

لخليها جهنم ولفخخ حتى التيني

ومابتضل تحت رحمتو سجيني

قلتلها هيدا بطل من بلادي

نيال قلبك لمسكتك هالأيادي

ورشتلك من حنيتها قوة وارادة

قلتلها ودمعة انصهرت بفؤادي

بس يطلّع عليكي يا ودادي

بوسيلو جبينو وقوليلو أنا مرادي

أني لو بس بوس تراب اجريك ونادي

" بحبك ياسيد وبعبدك عبادي "  !



http://www.youtube.com/watch?v=excyEFaFFyk

Sunday, October 10, 2010

بجــــم

Posted by Bullet at Sunday, October 10, 2010 6 comments

في مرة من المرات كنتو بتحسو بحمااس  وبعدين قابلتو حدا وبردتو ! في مرة من المرات كنتو متفائلين وبعدين شفتو شي وضربكن التشاؤم على حين غرة ! في مرة حسيتو أنو أنتو مجانين ورحتو ع شي مطرح و اكتشفتو انكن انتو العاقلين و الراكزين !

أنا اليوم بصراحة بردت و تشائمت و اكتشفت نسبة العقل اللي الله انعم فيها عليي !

أنا عندي سؤال وياريت اللي بيقرأ هالبوست يتصدق علي بإجابة .. كيف الطلبة بالجامعات بيطلعو بس بتخلص محاضراتهم ؟ يعني بس الواحد أو الوحدة بتخلص وبدها تمشي ع البيت كيف بتطلع من بوابة الجامعة ؟!

عنجد بسأل وبدي إجابة !

أنا راح احكيلكم كيف أخرج من بوابة " الجامعة المقدسة " !

أول شي أنا ربنا غضب عليي وبدرس بالسعودية, طبعاً بالجامعة يلي بدرس فيها ,في كذا مبنى بالجامعة يعني لكل قسم في مبنى لإلو وكل مبنى بيبعد عن التاني شي 50 خريفاً ! وطبعاً وأنت بتمشي من مبنى لتاني بتحسي حالك كأنك بقلايه وبس توصلي فيك تقولي " صحتين وبالعافية " ! 

طبعاً الواحد ع آخر محاضرة بيكون هلكان وأخلاقو بمناخيرو وبدك تطلعي ع البيت متل الصاروخ .. بس بسبب حالات التخلف اللي بنعاني منها هون بتصير شغلة الخروج من هالبوابة من الأحلام !!

ليش؟ .. لأنو لازم تقطعي ال 50 خريفاً للمبنى التاني و بتطوفي عليه لتلاقي المكتب المنشود .. بس بهيك حالات بتلاقيه بسرعة , كيف؟ من ريحة التجمع اللي بسبب الجو الربيعي + صوت الصريخ = بتعرفي الغرفة بسرعة !

بتروحي بتسالي عن هالمعمعة اللي صايرة فبيخبروكِ أنو لازم تأخدي " تصريح " !! 

أنت طبعاً بعدها أخلاقك بمناخيرك فبتقطبي حاجباكِ و بتحاولي تستفسري أكتر فبيخبروكِ أنو هالـ" التصريح" عبارة عن ورقة بيكون مكتوب فيها أسمك و رقمك الأكاديمي + إسم سائق الباص اللي بتطلعي معو ورقم بطاقتو الشخصيةليشوفها السكيورتي يلي ع بوابة الجامعة ليصير فيكِ تضهري .. وبدك كل يوم تدخلي ع جهنم و بتنضغطي من هالزحمة و بتمتمي بكلمات كفرية كل يوم و بتطلعي ونص ملابسك مفقودة وبيضربك الصرع مشان بالآخر تأخدي هال" تصريع " !!

قال ليش ؟ مشان نضبط حالة فلتان بعض البنات اللي بيطلعو من الجامعة وبيصيعو !

لا والأضرب من هيك , بدك كل يوم تأخدي تصريح كل يوووووم وإذا السكيورتي اللي واقف لينظم دخول وخروج الباصات مالاقي أنو عندك تصريح بيرجعك ومابتطلعي من الجامعة !

ان شاء الله مفكرين أنن راح يلموا  اللي بيفلتو كل يوم ! اللي بدو يفلت والله العظيم بيعملها وهو جالس قدام عيونك .. يعني مش محتاجين كل هالخزعبلات والتصاريع !

المشكلة أنو يلي بالجامعة فوق ال 1435934533 بنت وكل وحدة لازم تأخد هالورقة وبينطروك شي ساعة بس تخلص الأوراق ليروحو يصوروا نسخ زيادة !!!

وحياة الله بدي حدا يصنفلي هالبشر , من أي نوع هنّ ؟؟؟

أنا اللي قاهرني أنو ليش يعني مابيخلونا نسوق ونريح راسنا ! ولا هيدا كمان حرام و سيجلب مفاسد كثيرة !! الناس طلعت ع القمر و هن مانعين البنات يسوقوا .. هالقد حريصين ع الدين يعني ! بيحسسوا الوحده أنو هي أخبث من إبليس و شو ما عملت يعني هيك أو هيك هي بجهنم ! يا حبيبي إذا أنت فلتان و الغلط لابسك من راسك لساسك هيّ مشكلتك ضبّط وضعك , عالج عُقدك بالأول .. أما أنك بدك تيجي تخنق دينا بمواعظك و خطبك وبدك " تلم بنات المسلمين " بالأول لّم زبالتك وهن يلي محتاجين " تصاريح " مش نحنا ...

طبعاً هون لتجاهدي في سبيل العلم وبما أنو السواقة ممنوعة فبتضطري تدوريلك ع باص هيك محترم بيوصلك ع الجامعة كل يوم وبنهاية الشهر بتأخدي كيلو من مصاريك وبتدفعيها !

طبعاً هالأجرة نفسها سواء رحتي أسبوع نفسها , سواء تأخر عليك هي نفسها, سواء خلصتي محاضراتك ونطرتيه 3 ساعات ليشرف ويجي كمان هي نفسها ! بيمصوا دمك مص ! وينو وينوو اللي بيحكي عن الدين والأخلاق وينوووو ؟؟ .. أو بس يلي راح يفسد أمة محمد فروج النساء وكيدهن !

طبعاً أنا أول يوم داومت بشنتاية أختي لأنو صغيرة وهيك – أنا لست من حاملات الحقائب يعني لو عندي مصاري والموبايل بحطون بجيبتي و صلى الله وبارك _ المهم وبسبب هالـ" تصريح" شوفو شو صار فيها ..

أنا عنجد كنت بجهنم وطلعت !هلاء أنا الحمدالله طلعت سليمة بس من بعد ماتشوفها أختي مابتوقع أزمط من بين إيديها هههههه

إنـو العمى

Sunday, October 3, 2010

!! اللي عند أهـلو ع مهلـو

Posted by Bullet at Sunday, October 03, 2010 3 comments

The issue I'm gonna talk about today it discussed before and I had read so many posts about this issue . but because I cant bear any more because it is really bother , I'm gonna talk and burst what is inside me !

When I were in any place , especially women gathers , I just can do the miracles to get out . why? Because I feel that I'm in front of sick people ! literally darn sick !! and the most terrible word they say is " oh ! why u cant make a full use of your femininity " !!!  << … bah ! can someone explain this stupid line to me ? :S

Femininity is to put 5 kgs of makeup on my face ! is femininity to wear a tight jeans and one buttock up and the other is down while I'm waking ! is femininity in high heels and chewing gum in my gob ! I'll be " female " if a tuft of my hair come across my face then lift it arrogantly  ! am I " female " if I'm trying to protect and soften my skin while others cant even protect their kids in Palestine !

Is that what " female" should be. If so , then I'm sorry I don’t wanna be from your sick species !

One more thing make you really nervous which is if they talk about engagement and marriage issues ! you really feel dirty and want to drive over their bodies !

Oh , look at her. She is 26 years old and she didn’t marry yet

Omg ! 26 !! spinster !

Yeah , poor she !

After this short stupid conversation which I always hear , I just have one question . If the girl didn’t marry what she will miss !? ya3nee she will catch by swine flu!! Or she will enter the hell fire ! or maybe she will get a horn on her nose !!!

As if I'm living in a mad house not in a society ! and look to what those idiots said , they considered a 26 years old gal is a spinster !!! <<< no no I really  want someone to  explain these deep issues to me >>

When I hear such a things , I really wish that I live in Vendee not among those " living creatures" !! and I'm quite sure if there is an idiots in vendee they will be wiser than them ! To those who will say I'm exaggerated ! I just say come and hear what I daily hear then you will feel ( I'm sure girls will understand me most ) . believe me , they consider this issue is the most important thing and planted in girl's head that she will be " complete " if she get married and wearing that white dress !

Ok , I don’t want that white dress . I want a white shroud ! I think it's better !! A lot better !! bs mshan allah 7elww 3an rasnaa uffff …

P.S . I'm not against marriage and fashion but everything must have limits when we are talking about . We must not make it that big deal and fool ourselves !

Don’t care girls and live your life as you see not what others want to be ! and don’t be affected by those   
stone age minded !

Girls isn’t look so cool that bride wearing that white dress :P:P:P

love you girls , my folk :D

Saturday, September 25, 2010

... مما لا تعرفـــــون

Posted by Bullet at Saturday, September 25, 2010 6 comments



 اليوم أبدا سنة دراسية جامعية جديدة متفائلة جداً ولكن لايخلو الأمر من التفكير  لبعدين . أنا عادةً أؤدي واجباتي بإنتظام ولا أتأخر عن تسليمها في الموعد المحدد - مش خويفة أنا :D  بس حريصة ع رزقتي ,قصدي ع علاماتي  :D

لكن لا أعلم وكأنه قد كتب عليّ  آداء الواجبات طيلة حياتي و طُلب مني  آداء واجب تدويني أرسله لي أخي  نوار الرحيل إلى الله.  مشكوراً .. و هو أن تعترف بـ 6 أسرار شخصية وترسله إلى ستة مدونين آخرين ..

بسم الله ...

1-  مثل حبة الكاكاو . محبوبة من قبل الصغار والكبار , لها قدرة على تحسين المزاج , ذات طعم وشكل جميل , تُقدم في المناسبات السعيدة  بس بينسو أنها كانت ُمرّة وحرقتها الشمس وهي تنمو وتبهدلت لحتى صارت هيك.. تُحب إسعاد الكل !

2- إحترفت الحزن هواية و لكي ابدع فيه صقلته بالصمت !

3- عشقته فسكنني , حُرمت من إنتمائي له و لساني من النطق بلهجته وجسدي من الجلوس بين ربوعه , ويقتلني اليُتم ألف مرة عندما أرى عشاقة و سُكانه يتغنون بالإنتماء له ويحمدون الله على عظيم نعمة بان جعلهم منه .. لكن لأنه جميل و رائع قبلني بأن أكون من عشاقه.. أبي وأمي ليسو منك ولكن أقسم بان نطفتي من عشقك و أنا من صُلبك , لذلك أعدك بأن كل ما أعطاني ربي فهو  لك " بحبك يا لبنان " !

4-      مش صحبه مع الأطفال , يعني من بعيد لبعيد (: بس بحب كل ماهو طفولي

5-      عنيدة وبكبر راسي مع شويه زناخة :D  بعشق الليل والشتاء .. وبحب الكورن فليكس:D

وياسلام لو عم آكلو  وأنا عم أتفرج ع شي كرتون من ايام زمان (:

6-   دائماً أقسو على قلبي ! إن تكلم زجرته , وإن تمتم ضربته وإن حاول حتى التفكير بمسح فيه الأرض و إن بكى تركته !

دائما بشوف رموز ومابعرف شو بتعني , كان من بين هالرموز رمز دائما بشوفو , مابدخل ع منتدى إلا وبشوفو , ولا على تعليقات باليوتيوب مثلا إلا وبشوفو و ع الفيس بوك كمان بشوفو .. بعدين ضربني الفضول وسألت شو هالرمز وطلع الجواب :  قلب !!

الرمز : 3>                    

مسكين قلبي حتى هالرموز مابيتعرف عليها !!

بس سبحان الله اللي سألتو عن هالرمز له معزه خاصة بقلبي (:

هذا بعض مما لا تعرفون (: بس ما خفي كان أعظم D:

أُحيل هذا الفرض للمدونين الأعزاء :

Things I like to Whisper About 

زهر الرمان-جلنارة

مُـؤنستي

Monday, September 20, 2010

... أنـــا و أخـي

Posted by Bullet at Monday, September 20, 2010 3 comments



قِفوا ! .. أغمضت عيناها وانفجرت تنهيدة من عمق اعماقها ثم قالت : قِفوا !

لطالما أحبت ذاك المسلسل الكرتوني وكم كان يسكنها الحزن حين تسمع أغنيتها إعلاناً بانتهاء الحلقة , كم كانت تود لو أنها تستطيع أن تقول ل "وسيم"  ذاك البطل الصغير " نيال قلبك ع خييّك " !

هل تصدقون انها تغبط طفلاً كرتونيا على اخيه الكرتوني !

لا تلمها يامن تقرأ هذه السطور فلطالما حُرمت هذة الفتاة من اخيها الذي لم تراه و لم تسمع صوته ولم تجلس بالقرب منه و تتسامر معه .. نعـم !

خييها الذي وسعها قلبه و غمرها لطفه و حبه , من تمنت ان تقول له "أخي أنا أحبك " فمنعتها تلك البقعة الحمراء التي تتلون بها وجنتاها و أذنها اليسرى !

وجدته... وبعد عناء طويل جمعتهم الصدفة عن طريق محرك البحث-جوجل !!

وجدته وقد ملئ حياتها فرحا ..كان البسمة التي ترتسم على شفتيها حين يقول " كيفك أختي " و المتنفس عندما يسامرها و ان كان لايخلو من بعض " الغلاظه " التي كانت احيانا توقظ ملائكة الرحمن من ضحكاتها بسببها !! " غلاظه ممزوجة ببراءة يصعب وصفها " !

أأُخي ياروحي التي تُحيني

يانبضة قلبي التي تُبقيني

أنوار اسمك تكفيني

وعذب حروفك تسقيني

سامحني ياكل سنيني

إن انا اغضبتك ..

ازعجتك ..

خذلتك ..

تركتك ..

فانت نبضي وحنيني

وأنت من يفرحني ومن يبكيني!

وانت من لهمومي ينسيني

و أنت فقط من يستهويني !

ليتني موجة,ذاك البحر يرميني

ليهدأ ذاك الشوق الذي ماانفك يكويني

أخي .. يا سندي ويا مُعيني

ان أنا رحلت من دنياكم  وذبلت سنيني

أدرك بأنك قد كنت قبلتي وديني !

فزر قبري وان شئت فبكيني

لاني وان كان التراب يُغطيني

فأنت لا تزال روحي التي تُحيني !!

.:. أختك .:.