!! ... ممكن أهـلوس
Posted by Bullet | | Posted On Thursday, September 16, 2010 at Thursday, September 16, 2010
صباح الخير .. الساعة الآن تشير إلى ال 1:19 صباحا .. الحالة النفسية تعبانة و يوم كامل لم أذق طعم النوم ! مش بسبب هالخربشة لي راح تقروها ولكن هموم الدنيا قاتلها الله ..
حبيت تشاركوني " هالهلوسة " لي طلعت معي على حين غرة ! .. أنا لا أجيد الشعر ولا النثر ولا الحب ! يعني من الآخر حالياً بلا مشاعر وبلا قلب و بلا ضمير وبلا انسانية (( أي أي ماتطلع فيني يلي واقف هناك افففففففف
ماعلينا ..
متل القنبلة وقع ع قلبي الخبر
ومن يومها والعين مبتليه بالسهر
انكسر هالخاطر و تبددت أحلامو
وذبل من بعدو هالقلب وصفرا صارت ايامو
ما عاد القلب متل الأول بيدق
و ما عاد ع حبيبو كل يوم بيشق
خلصت أمنياتو ع دموع وبكي
ع أيام وليالي ضاعت بالحكي
مسكين هالقلب طيب و معتر
غاص بدين الحب و كتـّر
ما عرف انو لبيحب يمكن يخون
وانو قلب حبيبو بغيرو مسكون
مسكين هالقلب معوّد ع الوفى
عبد حبيبو و أخد منو الدفى
تفاجئ انو هالحبيب بغمضة عين راح واختفى
وين راحت يا قلبي قوة نبضاتك
وين راحت حنية دقاتك
الطفل الزغير لو وقع و انجرح
بوسة ع جبينو وبتلاقي جرحوا نمسح
ويرجع من جديد ينط وينبسط
الحياة قدامو ومن الكل بينغبط
بـــــــــــــــــــس ...
بس القلب لو انجرح من بيداويه
وبالحب والحنيه ما بيلاقي مين يشفيه
بيظل حزين لآخر العمر و مغبون
لانو بعدو بحبيبو معلّق و مجنون!
يا تعتير هالقلب و يادلّو
سكاكين الحزن فيه عم بيغلّو
بس خرجو هالقلب المعتر!
أي خرجو وبيستاهل أكتــر
القلب لبيحب سراب بعيد و حلم
القلب لبيخاف من لحظة الدهم
القلب لبيخاف يقول بحبك
لبيهرب بلحظتها و بيسبك
ضيعان نبضات هالقلب لراحو
وصار لون السواد وشاحو
متحسر وبيبكي ع هالشغلة
انو كيف حب! وعمل هالعملة !
نـــــام يقلبي نام ومن الوجع ارتاح
أنا حدك ولو طعنوك بـرماح
بس صدقني ..
بس صدقني ..
صـــدقــنــــــــــــي..
لو كل هالقلوب الاخلاص منها اندلق
بتظل أنت أطهر قلب انخلق !
ايييييييييه .. ما علينا
تصبحون على نقاء قلوبكـــم .:.
و الله و صرت شاعرة من ورا ضهرنا ... جميل يا أختاه
لا هيدا مش شعر بس شي بيشبهو (: و أنت الأجمل أخي
شكــراً
جميل جدا ...
يا ريت دائما تهلوسي و تتحفينا :)
تسلميلي وسبورتي (: ظلي طلي علينا
^_^